Омилҳои таъсиррасонанда ба афзоиши самаранокии истеҳсолот

Омилҳои таъсиррасонанда ба афзоиши самаранокии истеҳсолотро ба се гурўҳ тақсим намудан мумкин аст:

1) омилҳое, ки афзоиши ҳаҷми истеҳсолотро аз ҳисоби нисбатан пурратар истифода кардан аз қудрати истеҳсолии корхона таъмин менамоянд;

2) омилҳое, ки кам кардани маблағи умумии масрафҳоро барои истеҳсоли маҳсулот таъмин менамоянд, аз ҳисоби:

а) баланд бардоштани сатҳи маҳсулнокии меҳнати кормандон;

б) афзудани самаранокии истифода аз захираҳои моддӣ ва фондҳои асосии истеҳсолӣ;

в) кам кардани пасмондаҳои ғайриистеҳсолӣ ва ботилкорӣ (брак) дар истеҳсолот;

3) омилҳое, ки афзоиши нархи миёнаи фурўши маҳсулотро таъмин менамоянд.

Омилҳое, ки барои афзоиши ҳаҷми фурўш мусоидат менамоянд – афзудани истеҳсоли мол, кам кардани боқимондаҳои маҳсулоти фурўхтанашуда мебошанд.

Ба афзоиши истеҳсоли мол бо роҳҳои зерин ноил шудан мумкин аст:

1) афзудани ҳаҷми истеҳсоли маҳсулот, ки ба андозааш омилҳои зерин таъсир мерасонанд:

2) кам кардани боқимондаҳои истеҳсолоти нотамом ва гардиши дохилии байнихоҷагӣ.

Ба кам кардани боқимондаҳои молҳои фурўхтанашуда бо роҳҳои зерин ноил шудан мумкин аст:

1) кам кардани боқимондаи маҳсулоти тайёри дар анборҳо хобида;

2) кам кардани боқимондаҳои маҳсулоти ба бозор бурдашуда вале маблағаш пардохтнашуда.

Омилҳое, ки барои кам кардани маблағҳои умумии хароҷоти истеҳсоли маҳсулот мусоидат менамоянд, инҳоянд:

1) баланд бардоштани самаранокии истифода аз захираҳои меҳнатӣ:

а) муҳайё сохтани ҷойҳои нави кор;

б) роҳ надодан ба зоеъ шудани вақти кор;

в) афзудани ҳосилнокии меҳнат.

2) афзоиши самаранокии истифода аз захираҳои моддӣ:

а) кам кардани пасмондаҳои аз нақша зиёди ашёи хом ва маводи зарур барои истеҳсолот;

б) кам кардани меъёри харҷи ашёи хом ва мавод барои истеҳсоли як мол.

3) афзоиши самаранокии истифода аз воситаҳои асосӣ:

а) хариди объектҳои нави захираҳои асосӣ;

б) беҳсозии истифода аз захираҳои вақти кори мошинҳо ва таҷҳизот;

в) афзоиши нишондиҳандаи миёнаи коркарди воҳиди таҷҳизот.

Омилҳое, ки барои баланд бардоштани нархи миёнаи фурўши маҳсулот мусоидат менамоянд, инҳоянд:

1) беҳсозии сифати маҳсулот;

2) ҷустуҷўи бозори нисбатан самараноктарини фурўши маҳсулот;

3) мувофиқ намудани ҳаҷми маҳсулот ва мўҳлати фурўши маҳсулот ба харидорон.