Шеърхо аз Абушакури Балхи
***
Ду чиз аз дил андӯҳ берун барад,
Рухи дӯсту овози марди хирад.
***
Бувад дӯст мар дӯстро чун сипар,
Беҳ аз дӯст мардум ки бошад дигар?
***
Ки мар дӯстро ҷовидон панди дӯст,
Беҳ аз гавҳар, ар чанд гавҳар накӯст.
***
Киро озмудиш ёри ту гашт,
Манол ар гуноҳе бар ӯ баргузашт.
Бар он к-ат гузин буд магзин дигар,
Пиёда бимонӣ, бувад ар ду хар.
***
Ҳар он кина , к-аз дил бувад хоста,
Набинад-ш ҳаргиз касе коста.
Касеро, ки дорад нигаҳ кори хеш,
Бигӯ кори душман нигаҳ дор беш.
***
Бигуфтаст донои Эрон ба Тӯс:
«Зи дасте, ки натвон буридан, бибӯс».
***
Ба нармӣ басе чиз кардан тавон,
Ки бастан надонӣ бикардан ту он.
***
Бар нармӣ барорад басе чиз мард,
Ки он барнаояд ба ҷангу набард.
***
Ба нармӣ чу гардан ниҳад рӯзгор,
Дуруштиву гармӣ наояд ба кор.
***
Шуҷоъ он, ки дилро шикебо кунад,
Ба ошуфтан – андар мадоро кунад.
***
Ба ту рӯзгорон шуморам ҳама,
Ба коми душман гузорам ҳама.
***
Агарчанд хуб аст бар каф гуҳар,
Чи ӯро ба ришта кашӣ хубтар.
***
Ду чашмат ба ба фарзанд равшан бувад,
Агарчанд фарзанд душман бувад.
Зи пеши писар марг хоҳад падар,
Ту душман шунидӣ зи ҷон дӯстар?!
***
Ба ҳангоми барноиву кӯдакӣ,
Ба дониш тавон ёфт зиракӣ.
Дарахте, ки хурдак бувад, боғбон,
Бигардонад ӯро чу хоҳад чунон.
Чу гардад калон боз натвонадаш,
Ки аз кажживу хам бигардонадаш.
***
Дари комгорӣ ба ранҷ андар аст,
Раҳи ганҷ ҷустан ба ганҷ андар аст.
***
Ҳар он гаҳ ки шуд ростит ошкор,
Фаровон бувад мар туро хостор.
Раҳӣ к-аз Худованд шуд бахтиёр,
Барояд-ш беранҷ бисёр кор.
***
Зи дарё ҳамеша гуҳар оваранд,
Яке рӯз бошад, ки сар оваранд.
***
Чунон кун, ки чун ёфтӣ дастгоҳ,
Ба омурзиш андар бипӯшӣ гуноҳ.
***
Ба некӣ шавад чашм равшан туро,
Зи ҳар бад бувад нек ҷавшан туро.
***
Кушояндаи розҳои ниҳон,
Саранҷом расво шавад дар ҷаҳон.
***
Агар роз хоҳӣ, ки пинҳон бувад,
Чунон кун, ки пайванд бо ҷон бувад.
Чу алмос, к-оҳан бибуррад ҳаме,
Сухан низ дилро бидаррад ҳаме.
Забонро мадоред бар ҷой суст,
Ки то розатон касс надонад дуруст.
***
Касе к-варад рози дилро падид,
Зи гетӣ ба кома нахоҳад расид.
Нуҳӯфтан сазад розро ҷовидон,
Ба ҷон боз бояд-ш бастан ба ҷон.
Або дӯсту душман нобояд кушод,
Ба фарзанд мӯбад чунин кард ёд:
«Санамро набинӣ чӣ гӯяд шаман,
Магӯ роз бо як тан аз анҷуман».
***
Касе, к-ӯ дар андӯҳи гетӣ фитод,
Мапиндор гар шод биниш шод.
***
Зи душман ба динору ба зинҳор,
Бирастан тавон в-озро нест чор.